(अहिल्यानगर खबरबात न्यूज नेटवर्क)
अहिल्यानगर – लोकनेते डॉ बाळासाहेब विखे पाटील यांच्या ९३ व्या जयंती निमित्त डॉ विठ्ठलराव विखे पाटील फौंडेशन संचलित प्रधानमंत्री दिव्याशा केंद्र, अहिल्यानगर अंतर्गत ४१ दिव्यांग व वयोवृद्ध व्यक्तींना सहाय्यक साधनांचे वाटप करण्यात आले.
या कार्यक्रमासाठी प्रमुख पाहुणे डॉ . पी एम गायकवाड , महासंचालक ( प्रशासकीय ) , डॉ . अभिजित दिवटे , संचालक , जिल्हा दिव्यांग पुनर्वसन केंद्र , अहिल्यानगर,डॉ. पडळकर , मुख्य प्रशासकीय अधिकारी , डॉ. दीपक अनाप,समन्वयक , जिल्हा दिव्यांग पुनर्वसन केंद्र व इतर अधिकारी उपस्थित होते.मा.डॉ सुजय विखे पाटील यांच्या प्रयत्नातून डॉ विखे पाटील फौंडेशन, अहिल्यानगर येथे सुरु झालेल्या प्रधानमंत्री दिव्याशा केंद्र अंतर्गत दररोज पात्र वयोवृद्ध ( ६० वर्षावरील ) व दिव्यांग व्यक्तींना सहायक साधनाचे वाटप करण्यात येणार आहे.
भारतीय कृत्रिम अंग निर्माण निगम व सामाजिक न्याय व अधिकारिता मंत्रालय , भारत सरकार यांच्या अंतर्गत सुरु झालेले हे भारतातील ७१ वे व महाराष्ट्रातील ४ थे केंद्र आहे. या केंद्रातील सुविधांचा फायदा घ्यावा असे आव्हान डॉ. सुजय विखे पाटील , अध्यक्ष , जिल्हा दिव्यांग पुनर्वन केंद्र यांनी केले आहे.
