(अहिल्यानगर खबरबात न्यूज नेटवर्क)
प्रतिनिधी -गोपाल शिंदे
श्रीरामपूर – नगरपालिकेच्या नगरसेविका व नगरसेवक यांच्या पुढाकारातून लक्ष्मीनारायणनगर आणि गुरुनानक नगर परिसरात पिण्याच्या पाण्याची नवीन पाईपलाईन टाकण्याचे काम सुरू करण्यात आले आहे. मागील अनेक वर्षांपासून या परिसरातील नागरिकांना पिण्याच्या पाण्याच्या तीव्र समस्येला सामोरे जावे लागत होते.या पाणीसमस्येची दखल घेत नगरपालिकेच्या माध्यमातून आज सकाळी तात्काळ जेसीबी मशीनच्या सहाय्याने खोदकाम करून पाईपलाईन टाकण्यात आली आहे.
या कामामुळे लक्ष्मीनारायणनगर व गुरुनानक नगर परिसरातील नागरिकांना, विशेषतः महिलांना होणारी पाण्याची अडचण आता सुटणार आहे.नगरसेविका व नगरसेवक यांच्या सातत्यपूर्ण पाठपुराव्यामुळे प्रशासनाने तत्काळ कारवाई करत हे काम सुरू केले आहे.पाईपलाईनचे काम वेगाने सुरू असून लवकरच परिसरात नियमित व पुरेसा पाणीपुरवठा सुरू होणार असल्याने नागरिकांनी समाधान व्यक्त केले आहे.तसेच स्थानिक नागरिकांनी नगरसेवक व नगरसेविका यांनी केलेल्या कामाचे स्वागत केले.
