(अहिल्यानगर खबरबात न्यूज नेटवर्क)
जळगाव – सालाबादप्रमाणे नववर्षाच्या पहिल्याच दिवशी गुरुवार, १ जानेवारी २०२६ रोजी सकाळी ठीक ७ वाजता श्री क्षेत्र जळगाव येथून श्री क्षेत्र शिर्डीपर्यंत भव्य पायी दिंडी सोहळ्याचे आयोजन जळगाव ग्रामस्थ व आयोजकांच्या वतीने करण्यात आले आहे. नववर्षाची सुरुवात साईभक्ती, आनंद आणि सकारात्मक ऊर्जेत व्हावी, या भावनेतून हा दिंडी सोहळा दरवर्षी आयोजित करण्यात येतो.
दिंडीचे प्रस्थान महादेव मंदिर, जळगाव येथून सकाळी ७ वाजता होणार असून, साईनामाच्या जयघोषात संपूर्ण मार्ग भक्तिरसात न्हाऊन निघणार आहे. दिंडीचे विशेष आकर्षण म्हणून साईरथ, सुवाद्य साऊंड सिस्टीम, तसेच लहान मुले व ज्येष्ठ नागरिकांसाठी ट्रॅक्टरची सोयीस्कर व्यवस्था करण्यात आली आहे.
सकाळच्या चहा व नाश्त्याच्या सेवेसाठी विलास पोपट चौधरी जळगाव, भगवान किसन शेळके शेळके वस्ती, अरुण रामराव गाढवे एकरूखे, अष्टविनायक मिल्क जळगाव, अनिता शंकरराव चौधरी शिर्डी येथील अक्षय राजेंद्र राशीनकर व राहुल राजेंद्र राशीनकर, साऊंड सेवा पंकज चौधरी व विवेंद्र गोसावी तसेच पाणी पाऊच सेवेसाठी शाम चौधरी व निखिल चौधरी यांचे मोलाचे सहकार्य लाभणार आहे.
तसेच, दिंडीत सहभागी होणाऱ्या साईभक्तांसाठी आयोजकांच्या वतीने चहा, नाश्ता व दर्शनाची उत्तम व्यवस्था करण्यात आली आहे. या भक्तिमय पायी दिंडी सोहळ्यात जास्तीत जास्त संख्येने साईभक्तांनी सहभागी होऊन नववर्षाची सुरुवात साईकृपेच्या सान्निध्यात करावी, असे आवाहन आयोजकांनी केले आहे.
