(अहिल्यानगर खबरबात न्यूज नेटवर्क)
राहाता – तालुक्यातील आदर्श गाव म्हणून ख्याती असलेल्या जळगावचे माजी सरपंच तसेच श्री गणेश सहकारी साखर कारखाना लिमिटेड, गणेशनगरचे विद्यमान संचालक संपतराव नाथाजी चौधरी पाटील यांच्या ७७ व्या अभिष्टचिंतनाचा सोहळा उद्या मोठ्या उत्साहात आयोजित करण्यात आला आहे.
अभिष्टचिंतनानिमित्त शुक्रवार, दिनांक 21 नोव्हेंबर रोजी सकाळी 10 ते 12 या वेळेत महाराष्ट्रातील सुप्रसिद्ध कीर्तनकार ह.भ.प. निवृत्ती महाराज इंदुरीकर यांचे जाहीर हरिकीर्तन आयोजित करण्यात आले आहे.
हा अभिष्टचिंतन उत्सव जळगाव येथील महादेव मंदिरासमोरील अष्टविनायक मिल्क येथे पार पडणार असून, यानिमित्त राजकीय, सहकार, सामाजिक, आर्थिक, शैक्षणिक, कृषी क्षेत्रातील अनेक मान्यवर मोठ्या संख्येने उपस्थित राहून शुभेच्छा देणार आहेत.या हरिकीर्तनाचा लाभ जळगाव पंचक्रोशीतील तसेच परिसरातील सर्व भाविकांनी घ्यावा, असे आवाहन समस्त जळगाव ग्रामस्थ,अभिष्टचिंतन महोत्सव समिती आणि समस्त चौधरी पाटील परिवार यांनी केले आहे.
