(अहिल्यानगर खबरबात न्यूज नेटवर्क)
चितळी – अहमदनगर जिल्हा मध्यवर्ती सहकारी बँक शाखा वाकडी येथे प्रवीण वहाडणे यांची नुकतीच शाखा अधिकारी म्हणून नियुक्ती झाली आहे. यापूर्वी त्यांनी याच शाखेत कॅशियर पदावर साडेचार वर्षे सेवा देत बँकेच्या व्यवहारात शिस्त व कार्यक्षमता दाखवली. त्यांच्या कामगिरीच्या जोरावर मिळालेल्या या बढतीचे स्वागत करत जळगाव ग्रामस्थ व जळगाव विविध कार्यकारी सोसायटीतर्फे त्यांचा विशेष सत्कार करून गौरव करण्यात आला.
जळगावातील चौधरी परिवाराचे भाचे प्रवीण वहाडणे यांचा ग्रामस्थांच्या उपस्थितीत सन्मान सोहळा पार पडला.सोहळ्यात सोसायटीचे चेअरमन सुरेश औताडे व व्हाईस चेअरमन नारायण चौधरी यांनी त्यांना शाल,श्रीफळ पुष्पगुच्छ देवून गौरविले.यावेळी माजी संचालक भाऊसाहेब चौधरी,महेंद्र भंडारी,आसाराम राशींनकर,दिलीप चौधरी, बाळासाहेब चौधरी,अण्णासाहेब चौधरी,शिवाजी काळे, ज्ञानेश्वर वैद्य,अन्वर शेख, एम. टी. चौधरी आदी मान्यवर उपस्थित होते.
