(अहिल्यानगर खबरबात वृत्तसेवा)
प्रतिनिधी – राहुल राजळे
नेवासा -तालुक्यातील राजे संभाजी माध्यमिक विद्यालय कौठा या ठिकाणी पंचायत समिती नेवासा तालुका विज्ञान व गणित अध्यापन संघ आयोजित १५२ वे तालुकास्तरीय विज्ञान,गणित व पर्यावरण प्रदर्शन संपन्न झाले.
या प्रदर्शनात किड्स अकॅडमीच्या विद्यार्थ्यांनी अतिशय उत्कृष्टरित्या आपले विज्ञान व गणिताचे प्रकल्प सादर केले. या प्रदर्शनामध्ये गट १ ली ते ५ वी आदेश घोंडगे या विद्यार्थ्याला गणित या प्रोजेक्टसाठी पहिला क्रमांक मिळाला आहे.६ वी ते ८ वी गटात शिवम हापसे या विद्यार्थ्याला विज्ञान मधील प्रकल्पासाठी द्वितीय क्रमांक मिळाला आहे.तर ९वी ते १२वी च्या वरद जाधव व सर्वेश शेटे व रुद्राक्ष जाधव या विद्यार्थ्यांना गणित विषयात तृतीय क्रमांक मिळाले आहे.
या अध्यापक संघामध्ये शिक्षक प्रकल्प मध्ये गणित शिक्षक दादासाहेब राशीनकर यांना तिसरा क्रमांक मिळाला आहे.स्पर्धेत सहभागी झालेल्या व विजेत्या सर्व विद्यार्थ्यांचे किड्स किंग्डम अकॅडमीच्या मुख्याध्यापिका कीर्ती बंग ,सचिन बंग यांनी अभिनंदन केले.विद्यार्थ्यांना विज्ञान व गणिताचे प्रकल्प करण्यासाठी सुशील मोटे,दादासाहेब राशिनकर , सागर हापसे ,गणेश वीर,राणी राऊत,सुरेखा वाकचौरे,काजल कसबे,संगिता कोरडे या शिक्षकांचे मार्गदर्शन लाभले.
