(अहिल्यानगर खबरबात न्यूज नेटवर्क)
लोणी – लोकनेते पद्मभूषण डॉ. बाळासाहेब विखे पाटील प्रवरा ग्रामीण शिक्षण संस्थेच्या लोणी येथील प्रवरा ग्रामीण अभियांत्रिकी महाविद्यालयाच्या इन्स्ट्रुमेंटेशन आणि कंट्रोल अभियांत्रिकी विभागाने राष्ट्रीय स्तरावरील प्रकल्प स्पर्धा टेक एक्स्पो-२०२५ यशस्वीरित्या आयोजित करुन या स्पर्धेसाठी, संपूर्ण भारतातून २६५ हून अधिक प्रकल्पांनी भाग घेतला.विद्यार्थ्यांमध्ये तांत्रिक आणि कौशल्ये विकसित करणे हा या स्पर्धेचा उद्देश होता. अशी माहिती प्राचार्य डॉ. संजय गुल्हाने यांनी दिली.
दोन दिवसीय कार्यक्रमास संस्थेच्या मुख्य कार्यकारी अधिकारी डॉ.सुस्मिता विखे पाटील ,सचिव भारत घोगरे , आयएसए पुणे आणि माजी विद्यार्थी एच.एच.पानसरे, श्री.अनिल डांगे सहाय्यक उपाध्यक्ष, जेएनके हीटर्स प्रायव्हेट लिमिटेड चे अनिल डांगे, मुंबई, संचालिका, लॉजिकॉन टेक्नोसोल्युशन, पुणेच्या संचालिका पानसरे,. अतिरिक्त मुख्य कार्यकारी अधिकारी डॉ.एस.एन.हिरेमठ, प्राचार्य डॉ. संजय गुल्हाने,पॉलिटेक्निकचे प्राचार्य डाॅ. विजयकुमार राठी, संयोजक डॉ.चंद्रकांत.कडू, समन्वयक प्रा.नितीन लोखंडे , प्रा.डॉ.व्ही.एस. ताकटे, डॉ.प्रताप विखे, प्रा.विलास जाधव, प्रा.सतीश शिरसाठ, प्रा.वर्षा भोसले, प्रा.अमृता जोंधळे आदी उपस्थित होते.
यावेळी अध्यक्षीय भाषणात डॉ. सुस्मिता विखे पाटील यांनी सांगितले की, प्रवरा ग्रामीण शिक्षण संस्था नेहमीच नवीन उपक्रम सुरू करण्यासाठी पुढाकार घेते. विद्यार्थ्यांच्या सर्वांगीण विकासासाठी, आम्ही नेहमीच अशा प्रकारच्या कार्यक्रमांना प्रोत्साहन देतो जेणेकरून विद्यार्थी केवळ नोकरीसाठी तयार नसतील तर स्वतःचे स्टार्टअप सुरू करण्यास सक्षम असतील.
विभाग प्रमुख आणि संयोजक डॉ.चद्रकांत कडू यांनी , रोबोटिक्सपासून ते शाश्वत उपायांपर्यंत, प्रगत सॉफ्टवेअरपासून ते भविष्यकालीन हार्डवेअरपर्यंत, आज आपण काही खरोखर प्रेरणादायी प्रकल्पांचे साक्षीदार होणार आहोत. आज आपण पाहत असलेले प्रकल्प उद्याचे उपाय आहेत. त्यांनी निदर्शनास आणून दिले आम्हाला संपूर्ण महाराष्ट्रातून मोठा प्रतिसाद मिळाला आहे,या स्पर्धेसाठी कर्नाटक, आंध्र प्रदेश, केरळ, तामिळनाडू आणि गोवा राज्यातून चांगला प्रतिसाद मिळाला.एच.एस. पानसरे यांनी स्टार्टअप उद्योजकतेचे महत्त्व सांगितले. त्यांनी स्टार्टअप्स आणि प्रकल्पांच्या सुरुवातीसाठी ऑटोमेशनची महत्त्वाची भूमिका देखील अधोरेखित केली.तर अनिल डांगे यांनी विद्यार्थ्यांच्या सर्वांगीण विकासासाठी महाविद्यालयाने केलेल्या प्रयत्नांचे कौतुक केले. विद्यार्थ्यांच्या सादरीकरण कौशल्यात सुधारणा तसेच प्रकल्पांच्या मूल्यांकन उद्योग आणि अभियांत्रिकी संस्थांमधील तज्ञांनी केलै.
संजीवनी अभियांत्रिकी महाविद्यालयाच्या “दृष्टी-आधारित वर्गीकरणासाठी रोबोटिक आर्मसह स्मार्ट ऑटोमेशन सिस्टम” या प्रकल्पाला प्रथम पारितोषिक देण्यात आले.कर्नाटकातील केएलई टेक्नॉलॉजिकल युनिव्हर्सिटीच्या ऑटो ड्राइव्ह: लेटिंग इनोव्हेशन लीड द वे या प्रकल्पाला दुसरे पारितोषिक देण्यात आले.प्रवरा ग्रामीण अभियांत्रिकी महाविद्यालय लोणी येथील डीप आय – द थर्ड आय फॉर लो व्हिजन पीपल या प्रकल्पाला तिसरे पारितोषिक देण्यात आले.पॉलिटेक्निक श्रेणीतून, नाशिक येथील के के वाघ पॉलिटेक्निकच्या बहुउद्देशीय उपकरण प्रकल्पाला प्रथम पुरस्कार देण्यात आला.
पद्मश्री डॉ. विठ्ठलराव विखे पाटील इन्स्टिट्यूट अँड टेक्नॉलॉजी (पॉलिटेक्निक), लोणी यांच्या बहुउद्देशीय कृषी यंत्र प्रकल्पाला दुसरे पारितोषिक देण्यात आले.कन्नड इन्स्टिट्यूट ऑफ पॉलिटेक्निक अँड टेक्नॉलॉजीच्या ‘महिला सुरक्षा जॅकेट’ या प्रकल्पाला तिसरे पारितोषिक देण्यात आले.तसेच सर विश्वेश्वरय्या इन्स्टिट्यूट ऑफ टेक्नॉलॉजी, नाशिक डिफेन्स इन्स्टिट्यूट ऑफ टेक्नॉलॉजी, पुणे, बीव्हीआरआयटी कॉलेज ऑफ इंजिनिअरिंग फॉर वुमन, हैदराबाद, गव्हर्नमेंट पॉलिटेक्निक कुर्चोरम, काकोरा, गोवा यांना उतेजनार्थ पुरस्कार देण्यात आले आहेत.
