(अहिल्यानगर खबरबात न्यूज नेटवर्क)
चितळी – रयत शिक्षण संस्थेचे न्यू इंग्लिश स्कूल व कनिष्ठ महाविद्यालय, चितळी येथे भारतरत्न व राज्यघटनेचे शिल्पकार डॉ. भीमराव आंबेडकर यांच्या महापरिनिर्वाण दिनानिमित्त अभिवादन कार्यक्रम पार पडला. कार्यक्रमाची सुरुवात महाविद्यालयाचे प्राचार्य नामदेव शिरसाट व पर्यवेक्षिका अनिता सातव यांच्या हस्ते बाबासाहेबांच्या प्रतिमेचे पूजन करून करण्यात आली.
यावेळी उपशिक्षक रमेश हिवाळे यांनी डॉ. बाबासाहेब आंबेडकर यांच्या कार्याचा गौरवपूर्ण उल्लेख करत विद्यार्थ्यांना मार्गदर्शन केले. कार्यक्रमास शिक्षक-शिक्षिका उपस्थित होते. शेवटी आभार प्रदर्शन गंगाराम कुंदे यांनी केले.
