(अहिल्यानगर खबरबात न्यूज नेटवर्क)
अहिल्यानगर-मुंबईतील शिवाजी पार्क येथे आयोजित आंदोलनासाठी अहिल्यानगर जिल्ह्यातून CJPच्या कार्यकर्त्यांची टीम सहभागी झाली होती.आंदोलनासाठी मुंबईला जाताना कार्यकर्त्यांनी आपल्या घरूनच भाजी आणि चपाती सोबत आणली.
आंदोलनस्थळी पोहोचल्यानंतर कोणताही दिखावा न करता कार्यकर्त्यांनी फुटपाथवर बसून घरून आणलेले जेवण एकत्रितपणे केले. या प्रसंगातून कार्यकर्त्यांमधील आपुलकी, एकजूट आणि साधेपणाचे दर्शन घडले.
यावेळी डॉ. नितीन दिघे, सुशीलकुमार शेळके, महेश सटाले सर, प्रथमेश दरेकर, राजेंद्र सटाले सर, राहुल गांगर्डे, टी. डी. वणवे, सागर शेळके, पूृथ्वीराज सुरते,पावन सुकासे यांच्यासह CJPचे इतर कार्यकर्ते उपस्थित होते.आंदोलनासाठी मोठ्या सुविधा किंवा दिखाव्याची गरज नसते; आपल्या विचारांवर विश्वास आणि एकमेकांची साथ असणे महत्त्वाचे आहे,” अशी भावना यावेळी कार्यकर्त्यांनी व्यक्त केली.अहिल्यानगर CJP टीमने आंदोलनात सहभागी होत आपली भूमिका मांडण्यासोबतच साधेपणा, परस्पर सहकार्य आणि संघभावनेचा संदेश दिला.
